GELOSIA

( Quello che è successo prima … Omaggio, indegno,  a Salvatore Di Giacomo - 2001 )

Nennè, mò statte zitta!!... N’alluccà!!..

Famme capì ‘nu poco ch’è ‘sta cosa!!..

Me staje dicenne c’aggia restà ccà?

Sisì dimmello  ‘nfaccia  :  si’ gelosa?

Sta tiritera   è ‘nu mutivo antico!!..

A figlia do furnaro ‘o Vico Stuorto?

Me chiamme tutt ‘e juorne pe fatica.

Nunn’alluccà!!... Oi Né : hai tuorto!!

A pacchianella  ‘ncopp‘o Pallunetto?

Vaco a truvà ‘u frate : sta malato!!

Porto penniello, sapone e ‘na lametta,

ce faccio ‘a barba a chillu scunsulato!!

La marchesina  ca sta a Via Toledo?

‘A guagliuncella ormai è da marito,

me cerca nu’  cunsiglio p’o curredo : 

il mio giudizio assaje le è gradito..

Ma c’aggia  fa, si ‘ncapa nun te trase?

Aggia capito : mò lasso stu’ paese!!.

Sisì,  mò  me  ne  vaco  da  la  casa

e vaco vennenne spingule  francese…

Gianni Gentile

 “A Napoli siamo di versi”- 2016

( Edizione Indipendente  in rete)

Gianni Gentile, agronomo che si diverte a "giocare" con le parole!